Search Results

之前幾次食芝樂坊都係疫情外賣自取既時候，今次終於可以堂食啦 😍 星期六夜晚 等左45分鐘左右 🦁✅ The Everything Pizza ($182)：兩個人食真係份量好大🤣 不過真係好食 辣肉腸好香 重芝士 食塊塊都有拉芝效果！ 🦁❎ Chicken Riesling：依道其實有d失望 個Riesling 汁份量唔夠mix晒d 意粉 酒味亦唔夠香 d雞諧到好似白烚擦膠咁 fail 🦁✅ GODIVA® 朱古力芝士蛋糕 ($82)：超級好食！！朱古力同芝士味都超濃，中間仲有一層硬既朱古力，餅底亦好好食，仲有兩pat cream mix埋食反而中和左 冇咁漏 Pizza cheesecake 都好好食 不過份量較大 多d人share食會開心d~ 🦁 芝樂坊餐廳 (尖沙咀) 尖沙咀廣東道25號海港城港威商場地下G102號舖 #hkfoodie#hongkongfood#hkfood#香港美食#尖沙咀美食#cheesecake

尖沙咀既樓上café, 被安排坐窗邊梳化位, 有D陽光都幾chill, 不過張窗有d dirty lol 打卡要就住 🦁 富士山黑豚肉咖喱飯 ($118) : 雖然造型滿分, 但係個咖哩勁淡味, 雞肉份量極少，個飯可能因為要整模，所以又乾又硬。百幾蚊一碟超唔抵 🦁 明太子忌廉汁意粉配三文魚子 ($98): 依個味道比較好, 明太子汁幾惹味, 加埋三文魚籽 雖然份量唔大, 都合理 🦁鳥語 ($52): 又係造型滿分, 打卡好睇，但飲落係好淡既梳打水 LOL 可能因為本身蝶豆花冇咩味啦 🦁 三重朱古力香蕉 ($52): 朱古力味夠濃, 加埋香蕉成杯好RICH 依間餐廳打過一次卡就夠，第二次不了～依個價錢又更多選擇 - 🦁 鳥語 (尖沙咀) 尖沙咀厚福街12-12A號藍馬商業大廈10樓 #hkfoodie#hongkongfood#hkfood#香港美食#尖沙咀美食#hkcafe

尖沙咀有好多韓國餐廳，今日特登揀一間感覺上平民既，平時經過都冇留意。叫左個二人套餐，份量超大： 🦁 12款前菜: 第一次係香港食韓國野多前菜到咁 🤣 仲要擺陣圍住個爐. 其中薯仔 黑豆 同 芽菜都好食 仲可以refill！ 🦁 調味牛小排/烤雞肉 ：兩款醃得幾香 單食 或者 包生菜都好食！ 🦁 泡菜餅：偏油膩 好重泡菜味 辣辣地 仲有個汁點 🦁 人蔘雞湯：超足料成隻雞 食左雞脾 雞胸肉冇食晒 太飽😂 蔘味好重，個底啲糯米煙煙韌韌 好食！ 🦁 石鍋拌飯：正常味道 足料 🦁 甜米露：第一次食 甜甜地 重米味既冰 服務好好 除左會幫手烤肉外，連熟食都會分埋，好似媽媽咁叫我地唔好偏食🤣 唯一缺點係未影食物，就幫手分左，如果分之前提我地影相先會好d. 價錢 $890加一，再全單九折，超大份量同咁高質食物同服務都幾滿意！不過下次食可能散叫算 🦁 石牆道韓國餐廳 (尖沙咀) 尖沙咀金巴利道27-33號永利大廈地下20及22號舖 🦁推介！ #hkfoodie#hongkongfood#hkfood#香港美食#尖沙咀美食#韓國料理#燒肉

西環依間隱世日本料理店平時經過都唔覺佢既存在 lol 今次試試佢lunch set ｜omakaese 10貫壽司 ($380) - 十款壽司都好新鮮，當中比較出色既係海膽同三文魚籽，好新鮮 d卵極多 勁適合打卡😍 另外拖羅同赤貝都好吸引，睇塊赤貝就知師傅刀工好，其餘既唔完全記得個名，都幾好食同新鮮lol 個set仲配埋沙律 茶豌蒸 味噌湯 雪糕！茶碗蒸上面有黑松露 勁香，蒸蛋都好滑 依個價錢有依個質素真係幾滿意，唯一缺點係有幾舊壽司飯比較鬆散。 - 🦁 京日本料理 (西環) 西環堅尼地城爹核士街34號地下

其中一間令人一再encore既泰菜一定有新泰份😋 食物水準超高！ 🦁 日本南瓜焗海鮮飯 用原個南瓜焗，即使其實我唔太中意南瓜都覺得超入味，d飯吸晒d南瓜味。海鮮種類亦唔少 🦁 泰式青咖哩雞 個汁真係超香椰奶味，用黎送薄餅一流！雞肉都好嫩滑 🦁 冬蔭功 色香味俱全！超大隻蝦 🦁 肉碎生菜包 肉碎調味得好好～ 🦁 芒果糯米飯 芒果好新鮮！不過飯可以再sticky d 🦁 新泰東南亞餐廳 (尖沙咀) 尖沙咀加拿分道25-31號國際商業信貸銀行大廈地下1A舖及地庫

黎葵廣必試既章魚燒！最重要既章魚燒本體粉感唔重，食到章魚🐙本人。醬汁方面明太子真係超惹味！加埋重手既木魚絲 真係幾飽肚～早知叫雙併 其他咪道例如 黑松露同蟹膏都勁吸引😍係好食既黃店！！ 🦁 真‧章魚無雙 葵芳葵富路7號葵涌廣場2樓C07B號舖 旺角彌敦道688號旺角中心1期2樓SB02號舖

元朗鳳攸南街依頭都有唔少野食，今日試試食依間日式居酒屋，依間好多蟹既items，四個人可以share試唔同野～ ➡️ 松葉蟹粥 蟹肉好多 不過唔算好濃蟹味 感覺上煲得唔夠耐 ✅ 喜之次一夜干 有驚喜 油分好夠 淡淡肉 冇咩骨 食唔停！ ✅ 海膽壽司：都幾新鮮，加上份量好夠 ✅ 皇帝蟹柳壽司：超正啖啖肉既蟹柳！好滿足 ✅ 黑松露鵝肝多士：好濃味既鵝肝！加埋黑松露醬仲正 ✅ 雞泡魚乾：好香口！食唔停🤣 ✅ 法國生蠔：居酒屋既生蠔黎講都算幾新鮮 ✅ 雜錦串燒：豚肉鵪鶉蛋同荔枝串都好食！另外牛舌都好香！ 人均400，lunch唔洗加一，比較抵食！ 🦁 逸之燒 (元朗) 元朗鳳攸南街9號好順利大廈2座商場地下 57 號舖

飛唔到但又想食正宗日式炸豬排，我其中一個推薦會係勝博殿，加上係office附近! 🦁 午市千層錦套餐 椰菜係任添！可以打個底先。千層炸豬扒，每次食都會感歎點解咁邪惡既食物食落口唔會覺得油膩，外脆而入面又充滿肉汁 ，加上千層令肉既口感更提升！記得要點埋佢個秘制豬排醬！飯可以簡燕麥飯，比較健康。唯一既缺點就係份量有d少 🤣🤣 🦁 勝博殿日式炸豬排 (銅鑼灣) 銅鑼灣恩平道42號亨利中心地庫

黎南豐紗廠值得一試既日系文青小店，一上打卡樓梯左手邊就係，連住間書店好易認！環境同餐具都係木製，好muji風❤️ 🦁 腐乳炸雞定食（$118) 即炸既炸雞勁香脆！而且用腐乳調味好特別。炸秋葵, 南瓜蓉同玉子燒都好味。仲有沙律菜伴碟好健康 🦁 招牌五品定食 ($138) 最好食係玉子燒, 薯蓉同多士。蓮藕 飯團就正常。炸抺茶鹽炸謎瓜有d偏濕。昆布湯入面有年糕福袋 好煙un！ 🦁 陳皮冰糖燉檸檬冷泡茶 陳皮味好出。不過有少少過甜 🦁Book B Kitchen Mealmeal (荃灣) 荃灣白田壩街45號南豐紗廠六廠1樓111號舖

襯住疫情優惠去左MO staycation同男友慶祝生日，$2750包左一晚酒店/下午茶/晚餐同早餐，仲可以帶埋寵物去三餐係房食！以下長文review慎點～ 🦁 房間/設施：3點就可以check in, 被安排左12樓既皇后像廣場景觀客房，非常開揚，有齊城景、廣場景同海景！因為男友生日，酒店仲好貼心安排左有生日牌既cheese cake，可以係房入面同落地玻璃窗打卡！浴室有浴缸，而且用品係Diptyque既。另外，可以用泳池/gym room等設施，文華既走廊/樓梯/lobby/大門都係打卡好地方！ - 🦁 下午茶@Café Causette：超高質既hightea! Sandwich入面烤牛肉最好食！scone亦係必食item, 配玫瑰花果醬真係一流！甜品除左出晒名既文華cheese cake, 估唔到chocolate cake咁濃味 有驚喜！ - 🦁 晚餐@Café Causette：3 course dinner set, 前菜龍蝦湯同crab salad都好惹味。main既steak黎而有d失色 唔夠汁，反而黑醋鎮江肉飯仲好食！甜點朱古力cake亦不錯 ！ - 🦁早餐@房間：對住依個房景 著住浴袍係陽光下享受早餐真係好chill, 簡左一中一西，味道正常 加上影相影左成個鐘 野食凍晒🤣 比較特別係西餐有得簡血腸 - 🦁Review: 整體黎講依個價錢有咁靚既房間同高質美食真係好抵，係dinner比較失色。另外MO staff 服務態度極好，唔會差別對待，我因為要比驚喜男友而提出唔同要求 staff都好盡量配合！好完滿既bd staycation❤️ (p.s. through kkday book） 🦁Cafe Causette (中環) 中環干諾道中5號香港文華東方酒店閣樓

銅鑼灣lunch其中一個健康又抵食既選擇 — Poke! 選擇困難可以簡signature bowl, 而熱愛自由就可以簡自選！ - 🦁 Signature 加州風味：鮮甜既三文魚籽同蛋絲配搭影相勁靚! 果仁芝麻醬好惹味！注意健康/生酮人士就可以要少醬/走醬啦 - 🦁 自選Poke: 簡左half half 吞拿魚同三文魚，又可以試多樣野！另外估唔到調味料既紫菜同木魚絲份量都咁多！ - 🦁 兩個底都可以自選，健康人士可以簡珍珠糙米，或者加埋沙律菜！而生酮低碳人士可以直接簡沙律菜底，都好夠飽！ 兩款咁足料既poke都分別唔過100，又健康又夠飽既lunch好選擇呀!! - 🦁 Peek-A-Poke (銅鑼灣) 銅鑼灣希雲街16號地舖

突然好想食素食，所以試試依間係旺角既素食buffet. 入到去係先比錢，再拎位，之後就可以拎野食，留意番食完要自己執碟！ 野食款式都唔少～ 🦁 沙律區：蔬菜都好新鮮 薯仔沙律好食 🦁 蔬菜區：紅菜頭 木耳 海帶都醃過 好入味！ 🦁 炸物區：比較中意炸饅頭，春卷味道都唔錯！ 🦁 熟物區：腸粉出色 咖喱椰菜花 豆卜 炒飯都唔錯 酸辣湯好惹味 🦁 甜品：木瓜雪耳糖水好足料！紅豆糕好食 整體來講lunch $80 好豐富而且一定食得飽，員工都好勤力refill啲食物！Let’s have a green Monday🥗 🦁 無肉食 旺角洗衣街88號2樓 佐敦德興街8號地下 荃灣大河道98號如心廣場二期2樓213號舖 中環嘉咸街23號My Central地下5號舖 北角堡壘街10-16號華曦大廈地下B舖