Search Results

葵芳日料小店 壽司好抵食，熟食一般～ ✅ 極十貫壽司 ($168) 超值既set，其實件件都好食，比較出色嘅包括左口魚加三文魚子， 帶子，吞拿魚同三文魚，從刺身表面嘅油份就睇到質素好靚！ ❎ 日式吉列豬排便當 ($58) 有d失望，雖然好平 但豬扒薄過炸皮 食壽司抵d ➡️ 油甘魚壽司 ($8/件)、火灸芝士壽司@玻璃蝦/熟帶子 （$16/2件)：不過不失 ✅ 三文魚手卷 ($10)：ok好味 抵食 🦁 山下見日式料理 (葵涌) 葵涌仁芳街2-14號美豐大廈地下9號舖 🦁 人均消費：$115｜推介：❣️❣️❣️❣️ #hkfoodie#hongkongfood#hkfood#香港美食#葵芳美食

🦁✅ 生蠔 ($10/隻) 抵食嘅生蠔 每人10隻係基本！ size 正正常常 都新鮮同埋夠凍 加埋黑魚子鮮味仲出 🦁❎ 德國鹹豬手 ($278) 應該係食過最難食嘅豬手。個名叫「脆炸」鹹豬手 但係個皮完全唔脆 超級韌 d肉勁多筋 咬到牙軟 完全唔推薦！ 🦁➡️ 黃金軟殼蟹扁意粉 ($138) 普普通通 軟殼蟹鹹蛋味唔夠重 意粉汁唔太夠 🦁➡️ 炭燒西班牙黑豬 ($278) 正常 個青蘋果醬令個肉加分 依間餐廳食過幾次 蠔既質素好穩定 熟食就次次都麻麻😂 所以都係推介黎淨係瘋狂食蠔！ 🦁 蠔站 (諾士佛臺) (尖沙咀) 尖沙咀諾士佛臺1號7樓 （另外 荃灣 大角咀 土瓜灣 將軍澳 樂富都有分店） - #hkfoodie#hongkongfood#hkfood#香港美食#尖沙咀美食#荃灣美食#大角咀美食#土瓜灣美食#將軍澳美食#樂富美食#生蠔

價錢平得來味道又好正宗嘅台灣菜，雖然等位等咗10幾分鐘，又剩係得45分鐘用餐時，都值得！ 🦁✅ 阿元魯肉飯 ($42)：魯肉好香 而且汁夠多可以撈勻每一粒飯 仲有滷蛋同菜！ 🦁➡️ 蚵仔大腸麵線 ($40)：正常 🦁✅ 台灣香腸 ($30)：好有台灣風味 香腸再加蒜片 勁惹味！ 🦁✅ 香脆大雞扒 ($40)：炸得好香脆 入邊雞肉嫩滑 🦁✅ 肉鬆起司蛋餅 ($35)：真係好似台灣食既蛋餅早餐咁 肉鬆夠多 如果芝士可以再多啲就好！ 🦁 阿元來了 (堅尼地城) (西環) 西環堅尼地城北街31號地舖 🦁 人均：$120, 推介： ❣️❣️❣️❣️ #hkfoodie#hongkongfood#hkfood#香港美食#西環美食#魯肉飯#大腸麵線

港島酒店普遍偏細，依間就好闊落，住得舒服 所以第二次黎！不過今次遇著嘈既隔離房 先發現隔音麻麻😌 - 🦁 酒店：上環｜99號寶恒酒店(99 Bonham) 🦁 房型：標準房｜周末： $8xx/晚 🦁 位置：好近上環站 附近唔少野 仲可以搭叮叮去西環小店覓食 🦁 景觀：冇景觀 城景 🦁 房間：超過400呎 ，超寬敞！最鍾意係張超大餐枱，超適合買外賣番酒店食！床正常 枕頭偏軟。上一次住有pantry位可以煮野食，今次就封左，book前可以留意下 🦁 浴室：冇浴缸，有護髮素同body lotion 🦁公共空間：依間酒房仲有個超正係公共空間係頂樓，有海景睇，仲有chill爆躺椅！可以上黎傾下計 吹下風 ! 🦁 滿意度 & cp值：3.5星｜今次住嘅缺點係個煮食爐冇咗同埋隔離房好嘈～ #hkhotel#staycation#staycation2020#staycationhk

🦁 雜果麻薯窩夫 配曲奇雪糕 ($55) 麻薯窩夫做到外脆內軟嘅效果 好煙韌 再加埋雪糕 真係好夾！ 🦁 百利甜酒朱古力心太軟 配朱古力雪糕 ($55) 流心效果唔算好明顯不過百利甜酒味好出 朱古力味亦都好夠濃 加埋朱古力雪糕真係一流！ 抵食甜品味道都幾出色 食完有滿足感，不過樓面得一個人真係唔夠希望可以改善一下 🦁 原點 (元朗) 元朗馬田路20-30B號安寧大廈地下4號舖 🦁 人均：$55 #hkfoodie#hongkongfood#hkfood#香港美食#元朗美食

食居酒屋下下人均200up, 元朗依間好多燒物既日式餐廳就價錢平民好多，值得一試！ 🦁✅ 牛肉壽喜燒($98) 比想足中足料, 夠多肥牛同娃娃菜 湯底調得唔錯 🦁➡️ 雪場蟹柳豬骨湯烏冬 ($62) 豬骨湯底較淡 蟹柳同烏冬正常味 隻蛋有流心 🦁➡️ 燒雞泡魚乾 ($29) 份量好足 魚味都重 可惜燒得耐左d 有d乾同韌 要d牙力咬 🦁✅ 生蠔 ($18/隻) 價錢同質素都好合理 🦁✅ 三文魚 ($9/2件) ｜油甘魚壽司 ($9/2件) 平到咁真係不能要求太高 正常味 平！ 🦁✅ 紅桑子味啤酒 ($39) 出色 紅桑子味好出 遮到我平時唔中意啤酒果陣麥味！ 🦁 野川拉麵の深燒食堂 (元朗) 元朗又新街40-48號榮豐大廈地下B號舖 🦁 人均：～$160, 推介： ❣️❣️❣️❣️ #hkfoodie#hongkongfood#hkfood#香港美食#元朗美食

食過好幾次嘅點心，每次質素都好穩定！果斷encore~ 🦁✅ 奶黃流沙西多士 ($34)： 係食過最正既西多士🤤 爆多奶黃醬 加埋熱辣辣既西多真係一流！ 🦁✅ 芝麻蝦多士 ($42)： 滿滿既芝麻超級香！多士炸到超級脆！蝦🦐餡都好香 撈埋沙律醬真係好惹味！ 🦁➡️ 鴛鴦燒賣 (黑松露/蟹籽) ($30)：正常 🦁✅ XO醬炒蘿蔔糕/ 銀針粉($40)： 兩碟個味都係一樣XO醬 所以叫其中一樣都夠 個人覺得銀針粉比較好食 質感煙韌 XO醬夠辣好香 🦁✅ 黑松露湯餃 ($26)： 黑松露味好香 餡料醃得夠香 餃皮夠薄 🦁➡️ 煎蛋牛肉飯($30)：正常 好彩份量唔係好大 🦁✅ 樽裝原味奶茶($22)：好飲！ 🦁 周記點心 (西環) 西環西營盤水街東利大厦地下H1號舖 🦁 人均消費：$130, 推介：❣️❣️❣️❣️❣️ #hkfoodie#hongkongfood#hkfood#香港美食#西環美食#點心

Business meal, 所以揀咗一間比較靜嘅餐廳。無論係裝修定係入邊嘅環境都好chill, 唔嘈，岩傾計! 🦁➡️ Crab Cake ($128): 蟹味唔重有啲淡 不過加埋紅菜頭同埋青蘋果又幾清新 🦁✅ Scottish Dirty Burger ($178): 墨魚汁包好香，牛肉夠juicy 唔乾, 炒洋蔥好惹味 就算唔加另上嗰個醬都好夠味。仲有沙律菜同薯條，不過薯條偏淋身 有d扣分 🦁➡️ Earl Grey Porched Pear ($88): 啤梨有少少過甜 雪糕正常 berries 好fresh。影得靚但係唔係特別好食 🦁 ➡️ Apple & Black Berry Crumble ($98): 一般 雖然環境好好，嘢食賣相都OK，但係味道一般價錢偏貴，如果自己俾錢嘅話要考慮下😂 🦁 Shoreditch (西環) 西環堅尼地城吉席街18號地舖 🦁 Lunch 人均3xx, 推介：❣️❣️❣️ #hkfoodie#hongkongfood#hkfood#香港美食#西環美食

🦁✅ 招牌炎燒布丁疏乎厘 ($60)：疏乎厘即整熱辣辣 食落勁鬆軟，表面仲有一層焦糖。而3.6牛乳雪糕口感嫩滑，牛奶味好香！食一啖熱既疏乎厘再加一啖凍既雪糕，冰火兩重天真係好正！推介～ - 🦁 am.pm (油麻地) 油麻地彌敦道560譽發廣場地下B舖 #hkfoodie#hongkongfood#hkfood#香港美食#油麻地美食#旺角美食#疏乎厘

抵食上海菜，而且份量唔會太大，兩個人食岩岩好！水準也好高，推介！ 🦁✅ 鮮肉小籠包：皮既厚薄適中，湯頭清甜 餡料惹味！ 🦁✅ 松鼠桂魚：啖啖魚肉，唔會剩係得啲炸粉，加埋個汁 撈飯一流！ 🦁✅ 韭黃鱔糊：鱔糊份量好足！調味好香 🦁➡️ 干煸四季豆：正常～冇咩特別 🦁✅ 熱豆漿：唔會太甜 豆味重 🦁 蒲東小館 (油麻地) 油麻地彌敦道555號九龍行地下3號舖 🦁 人均消費：$2xx #hkfoodie#hongkongfood#hkfood#香港美食#油麻地美食

下下過千staycation未必個個應付到，情侶就咁租一晚酒店都有好選擇～ 🦁 酒店：荃灣如心海景酒店 標準房 星期六一晚 Total ~$570 🦁 位置：好近荃灣西站，如心/荃灣廣場一帶都好多野食！ 🦁 景觀：book果時簡左高層，竟然比左72樓我 第一次住咁高！因為夠高 所以勁開揚，加埋個落地玻璃真係不得了！ 🦁 房間：房有344呎好夠大. 床都ok 舒服，唯一缺點係因為樓層高，就算熄左冷氣都勁凍 🦁 浴室：tick左要浴缸 仲係透明廁所🤣 缺點係個缸偏細 兩個人比較逼 lol 而且滿瀉d水會流番係廁所 感覺去水唔係做得幾好 🦁 滿意度 & cp值：❣️❣️❣️❣️ - #hkhotel#staycation#staycation2020#staycationhk

之前都見到好多人打卡，今日終於試左！因為即整 所以都要等十幾分鐘 🦁 S’MORES ($58) 比起單點, 一啖冰凍雪糕加一啖即炸熱辣辣既 churros更加夾 😍 雪糕偏甜 重焦糖，另外仲有棉花糖、餅乾同埋Brownies伴碟，全部都好甜😂 而個churros 老實講有啲失望，雖然係新鮮即炸熱辣辣，但係做唔到嗰種外脆內軟嘅效果，而係全條都係脆卜卜 - 整體來講係一個好適合打卡嘅甜品，不過無論雪糕定係最重要既churros都仲有改善空間 🦁 Twist & Buckle Churros Specialists (尖沙咀) 尖沙咀漆咸道南29-31號溫莎大廈地舖 #hkfoodie#hongkongfood#hkfood#香港美食#尖沙咀美食#churros#dessert