Search Results

台灣師大夜市過江龍！閒日晚飯時間 排左10幾分鐘就有位，叫左個二人套餐 （$168） - 🦁✅ 滷肉飯 汁夠多夠濃稠 夠撈勻飯。不過份量有啲少 兩個人share唔係好夠喉 🦁✅ 鹽酥雞 炸得好香脆 入邊雞肉依然Juicy 嫩滑 🦁➡️ 其他食材 其他放埋一碗 睇落冇咁靚 🤣 豬耳夠脆身 甜不辣好煙韌 超推薦！ 百頁豆腐正常 白蘿蔔夠淋入味。木耳 高麗菜正常。冬粉份量唔少 吸晒d湯汁 都幾飽肚。雞腎 雞翼 就比較鞋身 難咬 比較遜色 🦁➡️ 抹香綠茶 台灣紅茶 正常 偏甜 隻杯超靚 打卡一流！ 冇想像中咁好食 不過晚餐黎講CP值ok！都值得一試 - 🦁 燈籠滷味 (銅鑼灣) 銅鑼灣登龍街39號地下 🦁 人均消費： $84｜推介：❣️❣️❣️❣️ #hkfoodie#hongkongfood#hkfood#香港美食#銅鑼灣美食#foodie

環境好靚 望住個海食係正既 坐得好舒服 服務好好。食物質素正常 不過勝在造型靚 好精緻岩晒打卡～ 🦁➡️ 脆蝦紅米腸粉/紅糖蝦餃皇/叉燒飽 ($78-88) 因為最近飲茶太多 覺得都正常味 冇話特別出色 🦁➡️ 原隻鮑魚燒賣 ($98) 賣點係上面既鮑魚 都入味 不過有少少鞋。中意鮑魚既都係去番呀一. 燒賣餡正常 🦁 ✅ 一品燒鵝穌 ($75) 依個點心必點 好靚可以打卡之余 都好食 入面調味岩岩好 好夠脆 個底d芝麻都好香口 🦁✅ 當紅炸子雞 ($288/半隻） 冇諗過會咁好食 皮勁脆 肉好滑 我平時唔食雞皮都忍唔住食左 🦁✅ 錦鯉杏汁糕 ($68) 造型勁靚 打卡一流 味道正常 🦁 紅糖 (紅磡) 紅磡紅鸞道38號香港嘉里酒店7樓 🦁 人均消費：<$400 ｜推薦：❣️❣️❣️ P.s. 因為同客食 所以唔方便樣樣都影相 🤣 請見諒 #hkfoodie#hongkongfood#hkfood#香港美食#紅磡美食#點心

🦁 酒店 Royal Plaza Hotel 帝京酒店 旺角太子道西193號 🦁 房型 Plaza 豪華房｜16樓 🦁 價錢 周末 <$600/晚 via Agoda 🦁 位置 ⭕️ 就喺旺角東站上面 好方便。想食得舒服啲可以落樓下Moko，又或者旺角/太子買外賣都超方便～ 🦁 服務 ⭕️ 買左酒 要求要冰桶都好快送到 ❌ checkout條隊勁長，而quick checkout 都係要填form 如果趕 要預番鬆d時間 🦁 景觀 冇景觀 不過窗好大 🦁 房間 ⭕️ 好闊落 355呎 3邊落床 另外仲好新淨！ ⭕️ 有窗台 仲係有坐墊 軟既 情侶岩晒！ （你懂的！）長度夠瞓一個人添 ⭕ 有usb 插頭 ❌ 有雪櫃但係冇冰格 冇得買雪糕返去食 🦁 浴室 ⭕️ 浴室用透明玻璃分隔 平時可以上簾 睇到出面電視，去廁所就可以落番簾 ⭕ 有浴缸而且夠大可以容納兩個人！ ⭕ 喺企缸同浴缸分別有兩set 洗頭沖涼用品，咁就唔使拎黎拎去！ ⭕ 花灑水力夠猛 淨係用沖涼液加個花灑已經打到好棉密嘅泡泡 慳番個lush ⭕️ 有齊護髮素同body lotion ⭕️ 有伸縮放大鏡 化妝一流 🦁 回頭率：❣️❣️❣️❣️❣️ #staycation#staycation2020#staycationhk#酒店#香港酒店#hkhotel

屯門日本野既選擇真心唔多，要去到元朗先有多d選擇。依間絕對唔係平價 不過質素對得住個價錢～好彩有book lunch超爆～ 🦁 特上刺身御膳 (10 pcs) ($218) 最大既加分位係有冰鎮住 刺生好夠凍！另外仲有一個酸酸地既汁可以蘸！ -海膽唔錯 唔係最鮮甜既季節 但都好新鮮～ -另外比較中意章紅 唔係道道食到！ -吞拿魚腩 帶子 同 牡丹蝦 都好夠肥美 另外仲包沙律 潰物 茶碗蒸 (好食）味噌湯 同白飯就冇影啦～同樣質素同份量既刺身定食係tst / cwb起碼280up 所以依個set cp值不錯～ 不過一個可以改善既位係 員工其實可以簡單介紹下入面有咩刺身種類 真係唔係好分到某d刺身 亦冇介紹另附既汁係咩同用黎蘸邊款刺身 🦁 串燒 日本黑毛和牛粒 ($148) 香蔥蒜牛肉 ($68) 牛舌鹽燒串 ($58) 雞軟骨串 ($28) -全部都唔錯，特別係牛類！調味同肉質都好 不過價錢偏貴 🦁 鮨千寿 屯門屯順街1號屯門市廣場1期1樓1108-1111號舖 尖沙咀彌敦道100號The ONE UG2層220-221號舖 將軍澳唐德街9號POPCORN1樓F16號舖 🦁 人均消費： $320｜推介：❣️❣️❣️❣️ #hkfoodie#hongkongfood#hkfood#香港美食#屯門美食#foodie#food#日本料理

✅ 牛三寶(牛丸/生牛肉/牛腩片)金邊粉 ($58) 湯底揀咗招牌牛骨湯 偏甜 都重牛味。麵量好足 三樣入邊最好食係牛丸！爽口彈牙 好食過錦x! 另外生牛肉同牛腩片都唔錯 而且份量好合理。仲可以免費升級，可以揀要菜或者加麵底，估唔到菜量都唔少。 ✅ 蒜蓉牛油雞翼兩件 (+10) 其實本身碗麵加埋菜已經好夠飽，不過我見加小食咁平所以試吓。超好食！雞翼炸得好脆，平時食雞翼唔食皮都忍唔住食埋。牛油味超香 入面雞肉嫩滑 十蚊兩隻超抵！ 🦁 越萊 (廟街) (佐敦) 佐敦廟街306號地下D號舖 🦁 人均消費：$68 ｜推介：❣️❣️❣️❣️❣️ 🦁 總結：雖然坐得唔算舒服 樓面人手唔太夠 但係食物咁高質 價錢唔貴 真係好滿意！ #hkfoodie#hongkongfood#hkfood#香港美食#佐敦美食

🦁 薯條鴛鴦芝腸熱狗棒 ($38) 外型係吸引既 薯條粒包埋熱狗 (入面有芝士同腸) 再炸。外面薯條都夠香脆 但裡面麵包比較韌。雖然有拉芝效果 但芝士味唔算濃 。同埋食左1/3 先見到條腸 超級短 整體來講味道唔難食 但係一個要$38，真係好唔抵。喺旺角有其他更加好既選擇，所以冇第二次 🦁 阿里郎熱狗棒 (旺角) 旺角奶路臣街12-26號啟賢大廈地下7B號舖 🦁 人均消費： $38｜推介：❣️ #hkfoodie#hongkongfood#hkfood#香港美食#旺角美食#熱狗棒

其中一個令人懷念既旅行熱點一定有峇里份！試試依間印尼菜餐廳 止止癮！環境舒服有空間感 窗邊對住彌敦道同九龍公園 適合同朋友傾計 食物質素整體唔錯～ - ✅ 峇里式豬肋骨飯 ($55) 配金貝飯 (+8) 豬肋骨夠晒大舊！肉質唔錯 香料層次好豐富 用黎撈埋金貝飯食超夾！ 雖然要另外加錢 不過比起普通珍珠飯多左香茅 薑黃同椰汁既香味！ - ✅ 雙色咖央多士 ($32) 雙色影相好靚！不過唔同色味道上冇咩分別 同食開既咖央多士差不多 - ➡️ 蝦醬炒通菜 （$56） 正常炒通菜 蝦醬味都幾足 - ✅ 鮮檸氣泡咖啡 ($18) / 峇里之天堂茶 （$28） 野飲有驚喜！底下果層係檸檬水 上面係咖啡 mix埋一齊冇違和感好fresh! 天堂茶都好飲！ - 🦁 峇里堂 (尖沙咀) 尖沙咀彌敦道176號The Nate3樓 🦁 人均消費：$100｜回頭率: ❣️❣️❣️❣️/ 5 #hkfoodie#hongkongfood#hkfood#香港美食#尖沙咀美食#hkcafe#印尼菜

同客食 所以簡左間環境比較靚既中菜。第一次黎戲曲中心 大家都比個建築物wow左一聲😍 坐得舒服 食物質素好高 無論同客或者屋企人黎都好適合！ 🦁✅ 瑤柱肉餅蒸蟹圈 D蟹勁肥美 爆晒黃！！邪惡但真係好正。下面既肉餅仲吸晒d蟹汁精華😍 必試既一道菜 🦁✅ 片皮鴨 應該係係香港食過最好食既片皮鴨。有分左幾部分 有d部分係就咁食 有d包餅皮食 仲有成隻鴨脾！係出面食好少有 隻鴨好香 入口即溶！ 🦁✅ 紅燒潮州中鮑翅 🦁✅ 六頭鮑魚伴海蔘 調味得好正既鮑蔘翅 不多解釋啦 🦁 滿樂中菜 (尖沙咀) 尖沙咀柯士甸道88號戲曲中心1樓2-4號舖 🦁 人均消費：<$800 ｜推薦：❣️❣️❣️❣️ 🦁 總結：雖然今次係公司數 但下次絕對願意用自己錢同屋企人食～

🦁➡️ 前菜 （泡菜 芽菜 薯仔） 正常 比較鍾意薯仔 🦁➡️ 韓國部隊鍋拉麵加芝士捲飯 ($89) 正常公仔麵加腸仔同午餐肉 芝士卷飯唔錯 不過多啲芝士更加好 🦁✅辣炒豬肉套餐 ($80) 豬肉炒得幾香 撈埋前菜嘅薯仔食更加出色 食物質素同環境都普普通通既韓國菜，同一條街/尖沙咀有其他更好既選擇～回頭率偏低 🦁 Han Spoon (尖沙咀) 尖沙咀金巴利街3號地下 🦁 人均消費：$85　｜推薦：❣️❣️❣️ #hkfoodie#hongkongfood#hkfood#香港美食#尖沙咀美食#韓國菜

🍷 Penfolds Bin 389 Cabernet Shiraz 2018 from Watson’s wine ($3xx) 🍷 South Australia 🍇 Cabernet Sauvignon & Shiraz 🍷 Bin389果然係「最具收藏價值的澳大利亞葡萄酒」既TOP, 混合左兩種葡萄。 其實配肉比較好，不過冇肉食 所以改配雪條同雪糕都唔錯！比較dry，tannins 比較重，但唔難入口。2018感覺aging唔太夠 相信再放耐d會更好飲～ 🦁推薦：❣️❣️❣️

男友無意中提過想食印度菜，但又擔心衛生問題 所以特登簡左間環境舒服 光猛既同佢食！ - 🦁✅ 印度式炸雞 ($60) 即炸 熱辣辣 色澤偏紅 外面炸得夠脆 入面雞肉嫩滑 另外有個汁點 都有少少辣 不過勁惹味！ 🦁 ✅ Butter Chicken Masala ($110) & garlic naan ($40) 超級香濃既印度咖哩！好重印度香料味 加埋熱辣辣既蒜包真係人間美味！雞肉份量都唔少 肉質夠滑 🦁➡️ Bamboo Mutton Biryani ($120) 好有儀式感!上菜時waiter 會係竹筒倒d 印度香飯出黎。原來印度香飯都係傳統入面好重要既菜式 飯量超多 好重香料味 不過個人認為有少少偏濕 羊肉味可接受 ❣️ 食物質素 環境同價錢都好合理! 推介想食印度菜嘅人～ 好值得一試 🦁 Anjappar Chettinad Indian Restaurant (尖沙咀) 尖沙咀寶勒巷3-7A號萬事昌廣場2樓202號舖 🦁 人均消費：$170｜推薦：❣️❣️❣️❣️

開業超過半個世紀嘅米芝蓮海鮮酒家，係唔少電影嘅拍攝場地！今日公司萬歲 試試佢～ 🦁 乳豬 皮夠脆 好厚肉！ 唔蘸醬都好夠味 肥瘦勻稱 🦁 花膠響螺湯 分到每人一舊大花膠！湯頭夠鮮味夠濃 🦁 芝士焗脆皮龍蝦 招牌菜 外皮夠脆芝士味香濃 但唔油膩，龍蝦肉質新鮮彈牙 啖啖肉！ 🦁 陳皮蒸鮑魚 份量好足 陳皮味好重！ 肉質爽口彈牙 🦁 老虎斑兩食 油泡版：魚肉好滑 啖啖肉 冇overcook 油炸版：應該大部分係骨位 好香脆！ 🦁 砵酒焗生蠔 令一個招牌菜外皮脆脆地 入面有淡淡酒味 好肥美！ 🦁 蒸扇貝 蒜味同扇貝既鮮味完全比粉絲吸收晒！扇貝肉都好夠大 依然爽口夠滑 🦁 咕嚕肉 正常 🦁 蛋白燉椰王 好好食！蛋白好嫩滑 椰香味濃～ 最中意既top 3會係龍蝦 焗蠔同埋燉蛋白！雖然係公司數 但如果要自己比錢我都覺得ok! 有驚喜 值得一試 🦁 容龍海鮮酒家 (屯門) 屯門青山公路19咪半 🦁 人均消費：<$800, 推介：❣️❣️❣️❣️ #hkfoodie#hongkongfood#hkfood#香港美食#屯門美食#米芝蓮