Search Results

登龍街最近好多新餐廳，有我最愛既酸菜魚 味道好有驚喜 性價比超高！而且兩樓有打卡位！下次lunch會黎試其他菜式～ ✅ 招牌老壇酸菜魚 ($78) 配前菜｜金玥飯｜小麥茶 -前菜：有好開胃既青瓜 萵筍 蓮藕 芽菜～ -湯底：本地好多酸菜魚湯底唔夠酸 依間夠酸又夠辣 (叫左bb辣only) 而且見到湯底有大量蒜 薑同麻應該都係惹味既原因！ -魚：魚片切得夠薄 嫩滑 而且份量比想像中多 -配料：有芽菜 藕片 蘿蔔 整體黎講係一個味道 份量都好rich既酸菜魚 超有驚喜！ 🦁 金玥 (銅鑼灣) 銅鑼灣登龍街31-35號玉山大廈31-35號地鋪 🦁 人均消費：$78｜推介：❣️❣️❣️❣️ #hkfoodie#hongkongfood#hkfood#香港美食#銅鑼灣美食

今日既tea係一間以茶為主題既cafe！蛋糕真係超推薦 回頭率超高～今次係外賣 希望下次堂食 enjoy下個裝修！ ✅ 大紅袍黑糖麻糬蛋糕卷 ($52) 第一次食到茶味咁濃既cake! 而且連d cream都有茶味！ 蛋糕質地夠軟熟 又唔會太甜 成個cake超fresh! 另一個亮點係中間既黑糖麻糬 好煙韌 好香黑糖味！食完夠飽但唔膩 ➡️ 水果氮氣冷泡茶 ($65) 依個反而有d失望 個名好似好勁咁 但杯茶冇乜水果味 cp值唔高 🦁 BASAO tea 銅鑼灣白沙道16號地舖 灣仔月街17號地舖 🦁 人均消費：$120｜推介：❣️❣️❣️❣️ #hkfoodie#hongkongfood#hkfood#hkcafe#香港美食#銅鑼灣美食#灣仔美食

雖然冇之前介紹過既點心放題咁有海景，不過都坐得好舒服 拍拖都可以飲茶架！點心種類特別 而且全部都高質！好推薦！ ✅ 傳統點心 蝦餃 燒賣正常 叉燒包係雙色而且係煎既好特別 而且熱辣辣！ 天鵝酥好適合打卡！ 小籠包 鮮奶卷 蝦春卷 黑毛豬糉 全部都唔錯！ ✅ 川/京系列 佢既川/京小食好有驚喜 味道有層次 辣得過癮！例如餃子 黑雞腳 泡椒魚皮絲 (極推！）水晶餚肉 同 雞絲粉皮都好推薦！ ➡️ 麵/飯類 叫左個雞粒炒飯同擔搶麵。正正常常 ➡️ 甜品 綠茶奶凍超解辣！ 棋子酥就普普通通 🦁 名館 銅鑼灣軒尼詩道500號希慎廣場14樓1401號舖 中環擺花街1-7號1號廣場1樓 紅磡黃埔天地美食坊(第8期)1樓113號舖 🦁 人均消費：$200｜推介：❣️❣️❣️❣️ #hkfoodie#hongkongfood#hkfood#香港美食#銅鑼灣美食#中環美食#紅磡美食#黃埔美食

初探依間集Leica 相機店、藝廊同咖啡店於一身既旗艦店！等緊外賣果時仲可以睇下相機 超chill 😍 ✅ Expresso Lime Tonic ($55) 超特別既咖啡！Lime tonic 有d似平時飲開既咸檸七 上面再加expresso. 好fresh 又唔會太重啡味 好岩tea time飲！ 另外老細叫左杯即磨咖啡，都大讚d 咖啡豆好正！ 🦁 Cafe Leitz (銅鑼灣) 銅鑼灣白沙道12號地舖 🦁 推介：❣️❣️❣️❣️ #hkfoodie#hongkongfood#hkfood#香港美食#銅鑼灣美食

✅ Set F: 奄列炒麵 & 章魚燒 ($40) 章魚燒入面真係有成粒章魚 口感唔錯～醬汁惹味 不過粉略嫌偏多 一個人食四粒勁飽肚 奄列炒麵估唔到咁夠味 加埋奄列同入面既蔬菜 好滿足 麵質岩岩好 有咬口又唔會太硬/太淋！不過得一塊肉 如果多d就更好啦！ 🦁 匠工房秀吉 銅鑼灣軒尼詩道555號崇光百貨B2樓15號舖 九龍塘達之路80號又一城MTR層MTR05號舖Taste內 東涌達東路20號東薈城名店倉地庫Taste超級市場 🦁 人均消費：$40｜推介：❣️❣️❣️❣️ 🦁 總結：$40就食到咁飽 真心唔錯！希望下次有機會試下佢d薯餅～ #hkfoodie#hongkongfood#hkfood#香港美食#銅鑼灣美食#九龍塘美食#東涌美食#章魚燒

✅ 火灸芝士辣肉醬熱狗 ($45) 芝士超香 辣肉醬加黃芥末 又酸又辣超惹味！荷蘭腸 肉味都好豐富～麵包係偏軟質地 整體好吸引 值得一試既熱狗～唔怪得咁長龍 🦁 齊柏林熱狗店 旺角登打士街55號地下6號舖 仲有勁多分店 🦁推薦：❣️❣️❣️❣️ #hkfoodie#hongkongfood#hkfood#香港美食#旺角美食#元朗美食#屯門美食#荃灣美食#葵芳美食#熱狗

其中一間人氣既車仔麵，冇食過元朗總店既，試試銅鑼灣既！lunch時間好多人 不過味道好好！ ✅ 自選三餸車仔麵 ($43) 湯底好香 唔會太咸！河粉麵質唔錯 份量適中。 雞翼滷得夠入味 好淋！牛筋夠滑夠淋 不過有細舊唔係好咬到。墨魚蝦卷 推薦！好札實 唔會粉感好重！ ➡️ 樽仔奶茶 唔錯 唔會太甜 不過茶味可以再濃d 🦁 永年士多 銅鑼灣謝斐道482號信諾環球保險中心地下7-9號舖 元朗教育路88號寶城洋樓地舖2-4號 尖沙咀加拿分道46號地下7-8號舖 沙田沙田正街18號新城市廣場L1樓113號舖 🦁 人均消費：$50｜推介：❣️❣️❣️❣️ #hkfoodie#hongkongfood#hkfood#香港美食#尖沙咀美食#元朗美食#銅鑼灣美食#沙田美食

聽講好難book，去到就見到坐位比想像中少，不過食物好impressive 雖然消費較高 不過值得一試！ 🦁 特濃蟹粉蟹肉拌拉麵($368) 足十二隻大閘蟹既拌麵😍 麵同配料分開上，分別有雞湯湯配蟹肉、蟹腳肉、蟹公膏、蟹母膏、蟹油，可以隨口味自己加蟹醋。 唔洗自己拆 可以成口蟹肉同蟹膏真係超幸福 超rich! 而且夠濕潤 拌麵質感唔錯 好有口感～過一陣就開始滯 🤪 🦁 黃魚濃湯 (+$38) 超香濃清甜！ 🦁 燕窩伴薑味意式雪糕及啫喱($88) 燕窩加薑味雪糕，雪糕仲有少少奶味，好滑。個presentation 又靚！ 🦁 上三兩 (尖沙咀) 尖沙咀梳士巴利道18號 K11 Musea 4樓 401A號鋪 🦁 人均消費：$500｜推介：❣️❣️❣️❣️ #hkfoodie#hongkongfood#hkfood#香港美食#尖沙咀美食#蟹#蟹膏#大閘蟹

Lunch外賣試試依間平時排晒長龍既台式便當～ ✅ 炸雞腿肉燥乾拌麵 ($66) 雞腿係即炸 所以要等15分鐘左右 不過好值得！ 皮超香脆 忍唔住食左少少 入面雞肉超juicy! 肉燥少少肥 不過汁調得好惹味 麵質做得岩岩好 加埋隻蛋好夠飽！紅茶正常 大滿足既lunch 🥰 🦁 百芳池上便當 銅鑼灣軒尼詩道500號希慎廣場11樓 灣仔港灣道28號灣景中心大廈1樓9號舖 太古太古城道18號太古城中心1樓誠品生活L111號舖 荃灣大河道88號灣景廣場購物中心永旺灣景店地下G03號舖 新蒲崗太子道東638號MIKIKI地下低層LG7號舖 🦁 人均消費：$68｜推介：❣️❣️❣️❣️ #hkfoodie#hongkongfood#hkfood#香港美食#銅鑼灣美食#灣仔美食#太古美食#荃灣美食#新蒲崗美食

之前食過依間泰菜堂食 cp值好高，今次試埋外賣自取 估唔到質素冇跌watt 賣相仲超有誠意！ - ✅ 冬蔭公海鮮金邊粉 ($ 78) 淨係個拉花已經令人流晒口水！估唔到外賣都可以咁精緻。個粉炒得好香 海鮮唔錯 側邊仲有花生碎 撈埋超惹味～ - ✅ 泰式烤豬手 ($168) 原隻豬手超靚！平時德/中/韓式豬手就食得多 泰式又有另一番風味 皮烤得超脆 肉質唔錯 滿滿膠原蛋白！ - ✅ 巴東牛展 ($88) 香料好特別 少少辣！肉質好淋 份量好足！ - ✅ 芒果糯米飯 ($68) 都係咁精緻！同堂食味道一樣 仲有齊兩隻色 - 🦁 新泰東南亞餐廳 (尖沙咀) 尖沙咀加拿分道25-31號國際商業信貸銀行大廈地下1A舖及地庫 🦁 人均消費：$200｜推介：❣️❣️❣️❣️❣️ #hkfoodie#hongkongfood#hkfood#香港美食#尖沙咀美食#泰國菜#外賣自取

環境好闊落 坐得好舒服既西餐～叫左個lunch set 3 courses ($268) ✅ 餐包 夠熱 包好鬆軟！ ✅ Starter: 甜薯仔湯/ Parma Ham 沙律 天氣凍飲個又暖又rich個湯真係正！唔會太甜 好綿密！沙律朋友表示不錯 ✅ 西冷牛扒 Medium rare 熟度岩岩好！肉質唔錯 個汁調得好惹味 好耐冇食過正牛扒🥰 份量岩岩好 ✅ 黑松露薯條 ($98) 另外加 大家share 超級好食 食到尾先記得影😂 夠脆 醬又香 ➡️ 甜品@芒果雪葩 口感麻麻 而且比較甜 冇食晒 🦁 廚意 (佐敦) 佐敦志和街1號登臺酒店1樓 🦁 人均消費：$300｜推介：❣️❣️❣️❣️ 🦁 總結：價錢合理 仲食得夠飽 服務又好 性價比好高！ #hkfoodie#hongkongfood#hkfood#香港美食#佐敦美食#foodie#food#instafood

依間人氣班戟 之前食過好多次堂食～今次老細萬歲 試試佢既外賣自取 睇下有冇跌watt~ 可以預先打電話order 等煮好先去拎！ ➡️ Souffle Sandwich/ Strawberry ($68) chocolate/banana ($68) 一個sandwich有兩塊班戟 當然冇堂食咁熱 微暖 好鬆軟！夾住cream同士多啤梨/ 朱古力加香蕉。生果都新鮮 不過sandwich cream 同 糖漿都唔係好夠 都係比較中意正常班戟 ✅ 原味班戟 ($99) 之前堂食既原味班戟 真係超好食 夠熱夠鬆軟 加埋cream 同糖漿真係一流～ 🦁 FLIPPER‘S (銅鑼灣) 銅鑼灣軒尼詩道500號希慎廣場6樓i.t blue block 🦁 人均消費：$68-99｜推介：❣️❣️❣️❣️ #hkfoodie#hongkongfood#hkfood#香港美食#銅鑼灣美食#foodie#food#pancakes