-
之前已經試過元朗分店, 今次嚟開咗冇耐既屯門分店試下！比起元朗店有更多日光, 而且近市中心好方便, 當日去到全場爆滿所以記得要book！最底有攻略～
-
1️⃣ 主打流水蝦 <⭐️回本位>
枱隔離有個水缸有好多大頭蝦！睇中邊隻可以夾佢上黎, 再放入冰桶等佢暈左先剪腳, 放上爐燒～隻隻都勁多膏, 肉質鮮甜！除左就咁燒, 都可以用提供既錫紙兜加牛油燒！
2️⃣ 任食海鮮區 <⭐️回本位>
出面仲有得任拎鮑魚, 生蠔, 扇貝, 青口, 蜆, 螺, 魷魚, 墨魚等等～鮑魚連殼既話記得𠝹一刀先燒！或者拆肉放入錫紙兜+牛油蒜蓉+酒都勁正！
另外仲有成條魚 lol 可以放下層慢慢燒
3️⃣ 串燒區
除左海鮮, 仲有肉類, 蔬菜等串燒可以拎番去燒！每人加送肥美鱔一串！勁肥美！
4️⃣ 熟食區 5️⃣ 甜品區 6️⃣ 飲品區
等緊果時可以食住熟食先！有湯, 炒飯等等～ 甜品都cake, 豆腐 雪條！飲品都勁多款式！
-
🦁 獅心攻略
🕒 雖然2.5小時感覺上好長, 不過都要控制好時間. 最好分頭行事 一個拎冰+夾大頭蝦凍暈, 一個人出去拎海鮮 然後燒住先。跟住先再拎熟食, 飲品等等
🧂 調味好重要！出面有得拎唔同既調味, 建議大家可以拎埋清酒/啤酒, 再加豉油 蒜蓉 辣椒 蔥花, 差唔多熟就淋上去！ 另一個食法係用錫紙兜, 放大量牛油🧈 再加蔥花, 又係好食到癲！
🦁 餐廳｜燒蝦蝦
屯門仁愛堂街45號興泰大廈地下1,1A,2至8號舖
元朗西裕街5-11號金福閣地庫
Comments